股神變股僧「老」點化世人

地產佬將要投地/談補地價, 就唱衰樓價, 扮慘唱什麼麵粉貴過麵包; 當地產佬將要開賣新樓盤, 就反口唱好樓價前境啦! 係咪出口術? 催虛做市??? 四叔今天渣咁多貨, 香港蠱市的其中一件主要參與者, 有時, 可能是小股民的交易對手! 又一件財驚演員? 老點小股民? 信者得救?

Appledaily 30.1. 2008

隔 牆 有 耳 ： 股 神 變 股 僧 「 老 」 點 化 世 人

當 指 升 過 三 萬 點 ， 四 叔 被 一 眾 股 民 捧 成 「 亞 洲 股 神 」 ， 但 近 排 指 坐 過 山 車 ， 跌 到 落 兩 萬 幾 點 ， 有 散 戶 輸 錢 唔 忿 氣 賴 地 硬 ， 仲 話 股 神 係 「 明 燈 」 一 味 老 點 ， 四 叔 噚 日 終 於 鄭 重 宣 佈 佢 只 係 「 冒 牌 股 神 」 ， 更 大 發 慈 悲 猶 如 化 身 「 股 僧 」 ， 勸 誡 小 股 民 唔 好 沉 迷 到 只 顧 炒 股 荒 廢 正 經 工 作 。

面 對 四 方 善 信 壓 力 ， 四 叔 噚 日 出 席 捐 款 畀 浸 大 儀 式 有 備 而 來 ， 特 別 準 備 篇 「 罪 己 詔 」 ， 聲 明 佢 旗 下 基 財 經 唔 係 上 市 公 司 ， 冇 經 紀 牌 、 冇 代 客 買 賣 ， 亦 冇 顧 客 服 務 部 門 ， 更 冇 佣 金 收 入 ， 佢 自 己 冇 義 務 講 股 ， 間 中 點 評 其 實 係 撈 過 界 唔 多 身 份 ， 暗 示 冇 需 要 撈 埋 五 叔 、 六 叔 等 講 股 佬 瓣 ， 但 街 外 錢 齊 齊 搵 ， 既 然 大 家 有 興 趣 ， 佢 同 大 家 分 享 投 資 心 得 冇 乜 所 謂 ， 點 知 好 多 人 當 佢 神 咁 拜 ！


自 言 只 係 「 冒 牌 股 神 」八 方 記 得 四 叔 大 仔 家 傑 上 星 期 自 爆 ， 屋 企 都 係 嗌 老 竇 做 「 股 神 」 ， 噚 日 有 人 重 提 此 事 ， 四 叔 即 時 黑 面 ， 耍 手 擰 頭 話 自 己 唔 係 股 神 ， 畢 菲 特 先 係 正 牌 股 神 ， 仲 話 自 從 俾 人 咁 叫 之 後 冇 日 安 寧 ， 好 多 親 戚 朋 友 打 電 話 畀 佢 問 巴 ， 由 公 司 追 到 返 屋 企 ， 搞 到 佢 好 大 壓 力 。 所 以 希 望 大 家 唔 好 再 叫 佢 「 股 神 」 ， 更 自 言 只 係 「 冒 牌 股 神 」 ， 唔 做 股 神 ， 「 我 變 得 安 定 、 寧 靜 ， 請 以 後 唔 好 用 呢 個 稱 呼 。 」

四 叔 自 嘲 係 「 冒 牌 股 神 」 後 越 講 越 謙 ， 話 自 己 幾 十 歲 人 玩 股 票 ， 實 情 都 係 小 股 民 一 個 ， 買 賣 股 票 都 要 畀 佣 經 紀 ， 只 不 過 本 錢 多 過 一 般 人 。 如 果 四 叔 都 係 小 股 民 ， 真 正 散 戶 係 乜 呢 ？ 股 蟻 ？ 股 蚤 ？ 八 方 認 為 四 叔 咁 幽 默 ， 唔 做 股 神 可 以 做 「 喜 劇 之 王 」 。


父 子 有 分 歧 並 唔 出 奇家 傑 上 星 期 公 開 叫 散 戶 沽 貨 ， 認 為 今 年 個 市 會 跌 ， 好 似 同 睇 好 四 叔 唱 反 調 ， 四 叔 噚 日 反 問 ， 「 佢 唔 係 咁 講 呀 ？ 」 似 乎 唔 係 幾 同 意 個 仔 言 論 ， 不 過 佢 隨 即 話 人 人 睇 市 都 唔 同 ， 父 子 有 分 歧 唔 出 奇 ， 佢 係 大 好 友 ， 唔 代 表 個 仔 要 聽 佢 話 ， 所 以 大 家 唔 好 信 家 傑 ， 亦 唔 好 信 佢 ， 事 關 真 金 白 銀 買 股 票 應 該 自 己 做 功 課 ， 乜 人 畀 貼 士 都 唔 好 信 ， 小 股 民 更 千 祈 唔 好 日 日 炒 股 荒 廢 工 作 ， 否 則 擾 亂 精 神 好 大 鑊 。 新 年就 到 ， 四 叔 話 冇 乜 特 別 新 年願 望 ， 只 係 話 如 果 股 市 好 ， 股 票 賺 多 ， 佢 會 捐 多 錢 畀 大 學 。