證監會停駿傑（8188）牌, 根本搵唔到當日停佢牌嘅理由, 真甩鬚

http://hk.apple.nextmedia.com/financeestate/art/20170403/19978252   密西比  3.4.2017

樂香園：香港證監驚變中證監？

早前上市半日即被證監會叫停的駿傑（8188），上周二復牌，可能原有投資者見機不可失，部份股東順勢沽出所持股份，令當日股價 $3.51急挫逾82%至 $0.61元，成交額達1.67億元。按當日收市價計駿傑市值約3.05億元，即當天成交額相當於半家公司市值！復牌當日中途雖曾一度跌穿0.54元配股價，惟到上周五股價仍「有得升」，股東可算「執返身彩」。

駿傑極速擺脫「最短命新股」之名，對新股市場是好事？投行高層跟密西比說，這絕不是好事，反是件很壞很壞的事。他說：「你自己去睇駿傑嗰幾份配股同復牌公告，係冇話佢哋犯咗乜嘢事，只係話做多咗乜嘢，更冇話係補救措施，證監亦冇話保留追究權利（僅關注），咁即係搞嚟搞去，根本搵唔到當日停佢牌嘅理由！」

友人續說：「通告乜理由都冇寫，即係代表乜？咁即係代表為咗復牌，公司專登砌個下台階畀證監，等證監可以順理成章畀公司復牌！希望今次只係個別事件啦，唔會有下次，若果再有第二次、第三次，香港證監咪變咗中證監？嗰時真係唔止新股玩完，港股都玩完了。」希望不會吧。