想死? 找大福證券665集團黃逸行?

http://orientaldaily.on.cc/photo/20080129/fin/0129fitn01b1.jpg






轉貼自: 東方日報 29.1.2008 絲絲講場：

保薦人：想死找我！
證 券 商 業 務 多 多 ， 可 以 幫 上 市 公 司 做 保 薦 人 ， 又 可 以 借 孖 展 畀 散 客 仔 ， 原 來 家 陣 連 「 想 死 」 都 可 以 搵 佢 ， 嚇 到 絲 絲 即 刻 搵 大 福 證 券 （ 0665 ） 集 團 財 務 總 監 黃 逸 行 問 個 明 白 ！

批 股 講 到 變 屁 股
黃 逸 行 同 絲 絲 細 細 聲 講 ， 原 來 係 佢 老 細 講 普 通 話 擺 烏 龍 ， 明 明 係 想 話 「 上 市 找 我 」 ， 點 知 講 得 唔 正 ， 個 客 聽 做 「 想 死 找 我 」 。 哈 哈 ！ 仲 以 為 依 家 證 券 商 撈 得 咁 「 多 元 化 」 ！

佢 仲 話 有 時 老 細 講 「 批 股 」 ， 點 知 其 他 人 聽 到 以 為 佢 講 「 屁 股 」 ， 認 真 貽 笑 大 方 ！ 絲 絲 真 係 想 知 邊 個 老 細 咁 搞 鬼 ， 不 過 黃 逸 行 把 口 鬼 咁 密 ， 話 點 都 唔 會 講 喎 ！

其 實 講 開 呢 咪 就 係 普 通 話 誤 會 囉 ！ 絲 絲 普 通 話 一 樣 咁 普 通 ， 都 出 現 過 不 少 烏 龍 場 面 。 大 老 闆 普 通 話 唔 好 ， 做 細 惟 有 操 好 ， 以 望 臨 急 都 頂 到 兩 句 應 付 住 先 。 黃 逸 行 自 言 「 普 通 話 比 一 般 香 港 人 好 」 ， 因 為 佢 足 足 苦 練 三 年 ， 不 過 佢 都 話 有 時 應 付 內 地 同 胞 都 幾 吃 力 ， 因 為 佢 雖 然 都 係 講 普 通 話 ， 但 個 個 口 音 都 唔 同 ， 的 確 唔 係 咁 容 易 。

原 來 唔 止 佢 ， 連 其 他 大 福 證 券 前 線 員 工 ， 都 要 齊 齊 上 普 通 話 班 學 習 。 黃 逸 行 話 ， 公 司 一 早 睇 定 直 通 車 遲 早 會 開 通 ， 所 以 一 早 就 要 班 員 工 打 好 基 礎 ， 費 事 到 時 通 車 都 「 雞 同 鴨 講 」 喎 ！

余 絲 韻