窩輪發行商搓波互交=做市=引君入甕

轉貼自: 東方日報 29.1.2008 市場熱線 古勝


咪 以 為 窩 輪 錄 得 三 百 幾 億 元 成 交 仲 好 活 躍 ， 當 中 至 少 一 半 係 發 行 商 自 己 「 搓 波 」 所 做 出 來 的 成 交 。 成 交 額 愈 玩 愈 縮 水 ， 反 映 缸 邊 友 唔 願 入 場 ， 除 係 臨 近 春 節 ， 歲 晚 收 爐 外 ， 近 日 魚 缸 大 玩 過 山 車 ， 亦 唔 係 個 個 有 資 格 坐 。 好 似 期 貨 場 ， 每 張 期 指 按 金 又 加 碼 ， 呢 個 星 期 已 加 碼 至 每 張 合 約 由 16 萬 元 加 至 19 萬 元 ， 聽 聞 期 交 所 有 意 再 加 按 金 ， 唔 排 除 下 個 月 每 張 合 約 要 廿 萬 按 金 。

天災摧殘祖國魚缸
祖 國 暴 風 雪 成 災 ， 物 資 供 應 更 緊 張 ， 孖 屐 擔 心 物 價 高 漲 ， 北 大 人 又 出 招 調 控 ， 除 「 溫 情 總 理 」 講 明 要 維 持 煤 炭 供 應 ， 但 又 無 話 唔 畀 煤 炭 加 價 ， 刺 激 煤 炭 股 逆 市 做 好 。 全 球 對 煤 炭 需 求 有 增 無 減 ， 祖 國 雪 災 自 己 都 唔 夠 用 ， 肯 定 會 減 少 出 口 ， 咁 係 袋 鼠 國 亦 減 少 供 應 ， 令 煤 價 創 下 歷 史 新 高 ， 煤 炭 股 自 然 睇 高 一 線 ， 神 華 作 為 行 業 龍 頭 ， 自 然 係 首 選 。

神華走勢穩健 供不應求煤價看漲
祖 國 不 斷 整 合 煤 炭 企 業 ， 主 要 係 為 避 免 再 有 小 型 煤 礦 場 出 事 ， 神 華 係 大 哥 ， 當 然 受 惠 行 業 整 合 ， 可 藉 此 得 到 更 多 收 購 機 會 。 集 團 ○ 七 年 的 成 績 表 顯 示 ， 商 品 煤 全 年 產 量 達 1.58 億 噸 ， 同 比 增 長 16% ； 煤 炭 銷 量 達 2.08 億 噸 ， 購 自 第 三 方 的 煤 炭 達 5,000 萬 噸 ， 較 ○ 六 年 的 3,500 萬 噸 大 幅 增 加 。 第 三 方 煤 炭 的 比 例 由 ○ 六 年 的 20% 上 升 至 ○ 七 年 的 24% ， 反 映 集 團 的 產 量 增 長 落 後 於 需 求 增 長 。

估 計 今 年 神 華 將 盡 量 提 升 煤 產 量 ， 以 應 付 市 場 需 求 ， 加 上 煤 炭 價 格 持 續 看 漲 ， 神 華 自 然 水 漲 船 高 。 目 前 H 股 價 格 較 A 股 折 讓 逾 三 成 ， 在 下 建 議 40 元 附 近 上 車 ， 中 線 有 機 會 重 返 52 周 高 位 ， 短 線 先 睇 番 20 日 線 。

古 勝