【滬港奇趣】終極境外做空黑手：美國對沖基金 Citadel 伯南克

【滬港奇趣】終極境外做空黑手：伯南克

蘋果曰報 5.8.2015  記者：黃尹華

中證監查封美國對沖基金Citadel的A股戶口後，內地傳媒如獲至寶，原來傳說中的境外做空勢力真係存在，而且仲係全球最大對沖基金之一。於是，各方爭相起底，更加發現一個驚人事實：美國聯儲局前主席伯南克，竟然係Citadel高級顧問。美聯儲可能係做空A股幕後黑手，簡直係驚世大陰謀，令人震驚！

內地而家流行用陰謀論來解讀之前股災。有評論話，之前A股氣勢如虹，咁升法，好快上海陸家嘴就會取代紐約華爾街，美國政府同啲華爾街大鱷當然不會坐視不理，一定會做嘢來阻止A股崛起，而家查到伯南克真係為做空A股的境外對沖基金服務，中證監又立下大功。

伯南克有冇俾過做空A股貼士，暫時冇人知。不過，佢名氣之前被境外做空勢力利用，就係不爭事實。有外媒評論，中國救市仲未成功，係因為缺乏好似伯南克、格林斯潘呢類有分量的財金權威人士，即係話中國財金官員唔掂，打擊股民信心，算是另類做空工具。

沈振盈說香港的股市, 很多方面營造極有利大戶造市， 配合衍生工具，將小投資者閹。沈振盈指, 強國救市措施之中，打擊惡意沽空一定是重點，姿態要告訴操控市場的對沖基金，勿再上下其手。此等別有用心之輩，利用各種手段，操控市場以圖利，令股市過份下跌，還口口聲聲話自由市場，實令人髮指。事實上，股市空軍的慣用手法，是利用程式交易製造買賣活躍的假象，推高股價之後進行沽空，甚至散播負面的謠言，以達獲利的目的。近期內地救市措施主力在查察惡意沽空，目的也在於此，因為此等對沖基金針對一些滬港通股份惡意大手拋售，便可達到推低指數的目的。強國執法機構勇於嚴查護法來爭功，香港證奸會那敢開罪大鱷? 識撈放水留後路他日退休有錢途好過啦!

陳文鴻博士於1014集把酒當歌中說香港股市主要由莊家大戶操弄呃錢. 即是由金融海盜公然操控的所謂 "國際金融中心", 蠱票衍生毒品氾濫中心, 大鱷視證奸會廢柴.