華泰瑞銀 = 中華網(8006) 掛沽香港網 hongkong.com, taiwan.com網域名; 錢果豐及時跳車神技!

.
《笑傲缸湖》《任盈盈》 Etnet 16.3.2015

若自問有番咁上下網齡，定必聽過「香港網」呢個喺二千科網年代叱咤一時嘅入門網站。那些年，唔少香江人以使用「＠ｈｏｎｇｋｏｎｇ﹒ｃｏｍ」嘅電郵為榮，可惜花無百日紅，呢個「金漆招牌」隨科網泡沫爆破而慢慢被人遺忘。

　　然而，呢個傳奇今日突然浮出水面，並非指「香港網」東山再起，而係消息指，知名「域名Ａ準agent」Ｄｏｍａｉｎ　Ｈｌｄｇ﹒已獲聘為獨家銷售「ｈｏｎｇｋｏｎｇ﹒ｃｏｍ」及「ｔａｉｗａｎ﹒ｃｏｍ」域名嘅代表。

　　ｈｏｎｇｋｏｎｇ﹒ｃｏｍ個網站之前由「中華網」（０８００６）經營，公司兩年前已改名叫「華泰瑞銀」，依家主營網上旅遊雜誌廣告生意。資料顯示，「中華網」喺早兩年已將ｈｏｎｇｋｏｎｇ﹒ｃｏｍ業務甩手。

　　喺「大中華」系列嘅網站中，現只剩「ｃｈｉｎａ﹒ｃｏｍ」仍打開門做生意，究竟而家掛沽嘅兩塊「金漆招牌」仲有幾多剩餘價值呢？大家拭目以待啦。

《回想當年》純官亨利鄭趁千禧年代科網熱潮, 找來一條出生於日本的"專門蝕本博士(連原本盈利穩固年年賺錢的麵粉廠交佢接管後竟蝕到唔清唔楚)"錢果豐博士掛帥旗, 把 hongkong.com 搞上市換真錢,  蠱價舞妓則由其嫡系蠱票行大蝠頭的坐館猛將金牌打手李  榮開骰渣莊, 表演仙人散花一味向下散.  當年看著鄭裕彤金漆招牌而排大隊入飛抽 hongkong.com IPO新股的綿羊, 上市迅即潛航一路坐艇至 hongkong.com 釘蓋, 楂都無曬, 多壯烈淒慘啊!

《東方日報余絲韻》

絲絲講場：CDC申破保   錢果豐及時跳車  及時跳車神技!!!

中華網（8006）喺科網年代紅極一時，但科網熱爆破後，即刻謝咗，佢阿媽CDC集團，係納斯達克嘅上市公司，早幾日向美國法院申請破產保護。原來錢果豐喺CDC集團申請破產保護之前一日「劃清界線」，辭任CDC主席及非執董職務！

絲絲本來唔知錢果豐攞 timing 攞得咁準，全靠港鐵（66）及恒生銀行（11）出通告，錢果豐係港鐵主席，又係恒生董事長，亦係多家上市公司嘅非執董。

強調唔影響中華網運作

港鐵及恒生於昨日傍晚發出通告，交代錢果豐已在CDC申請破產保護之前一日，已經辭去佢喺CDC董事會嘅職務。錢果豐任非執董嘅九倉（4）及利亞零售（831）其後亦發出內容相近嘅通告。CDC係本港上市中華網嘅母公司，雖然中華網尋日已經喺通告交代，CDC自願申請破產保護，以便促成架構重組及恢復長期財務健康狀況，並強調此舉不會影響中華網嘅業務運作，但係中華網股價昨尋日急跌12.69%，收報2.2元，而錢果豐目前亦是中華網嘅非執董。

CDC主動申請破產保護，據報係由於其涉及一宗6,540萬美元嘅訴訟賠償，可能令CDC資不抵債而引發嘅。至於CDC嘅前身，喺十二年前以先驅者姿態，到美國上市嘅China.com，而錢果豐更早在上市前已經入股，所以佢同CDC嘅關係都好深。