觀眾狂鬧有線財經節目主持人及財經演員

觀眾狂鬧有線財經節目主持人及財經演員

Appledaily.com 李華華 12.9.2011

Cable TV 有線財經節目，唔知係唔係新嚟條友無聲無氣，冇人壓住個場，仲居然俾個觀眾打上嚟節目踢館，狂鬧主持人兼數部份財演（財經演員）。讀者未睇段片真係要睇吓，包你拍案叫絕。網址：
http://www.youtube.com/watch?v=GXRZSxrFc2U 段片精采之處，係個觀眾起初堅有禮貌，唔該前唔該後， 點知一入正題問人意見，就吓吓頂心頂肺，插到應晒，仲要開名抨擊個別股佬誤導投資者，話亂咁評論唔怕有報應咩。兩個主持即時「 O」嘴，被殺個措手不及，有線主持要立即 cut電話迴避。

坦白講，華華覺得嗰位觀眾無證無據，指控人哋先唱好 push sales of Call Warrent、後沽空，做法的確唔妥。但相信呢位康小姐，應該中咗好多次招，仲係大大鑊嗰隻，先會累積到咁大怨氣，打上台控訴。

警惕財演薦股小心
或者今次可藉此向財演起警惕作用，雖則投資者最終要為自己投資決定負責，但無論在電台、電視台或報紙專欄上畀投資意見嘅專家，畀意見前拜託先做好功課，唔好見高唱、見低踩。不過，如果當時胡孟青仲在場，華華相信唔會俾聽眾「狂小」，起碼會 還拖 互片！